تشابه فتاوي قالها شيخنا بن باز

انا ودي ابني شامخه بنيها ممتاز
تليق برجال ثبيت لاجيت اقدمها

بتضبط بعون الله بعد تسمع الايعاز
اجل كيف ماتنجح وانا اللي مولّمها

تسبّب (لشعّارالنبط)مثل الاستفزاز
هجوسن عساني فالمواقيف ماعدمها

لهافي ضمير الشاعر النخبوي مركاز
نوادر مديحٍ فالمطانيخ مَقدمها

انادي بنات الفكر فيهم وهي تمتاز
بحبكٍ قوي وافكار شاعر منظّمها

من ثبيت ساس البيت تاريخنا منحاز
تبسّم على اجدار البطولات مبسمها

لنا(سيرتٍ عطره)ومنسب رجال اعزاز
حقيقة حرام انا عن الناس نكتمها

‫تقول ان مااضينا معلّق على برواز‬
‫وفي داخله لوحه من امجاد راسمها‬

‫تمر السنين معلّقه فالصدر بعجاز‬
ولا غيّرت سوود الليالي معالمها

تشابه فتاوي قالها شيخنا بن باز
محد يقدر يعدّل فتاوي محرّمها

ولاهي بحاجة مدح شاعر عشان ابراز
من (الصيت والطالات)مالله بحرمها

لوان الثبتي في غنى عنك مايعتاز
يجي شاعرن يمدح فعوله ويوّسمها

لياصار صيت الاسم ماهو كماالقزاز
يبا يتعب الشاعر بعدما يهنّدمها

ومن جاينافسنا على الصامت الهزاز
تبا تضيع هقواته وذمته يظلمها

مثل من يدوّر صيتٍ ابرق بدون انجاز
يحسب المراجل صفحة كتاب يختمها

لوانه يحاول يجتهد مع ثبيت وفاز
حيود الصفا لاجا(الدركتر) يثلمها

نهيَّمن على القمّه قبل يطلع التلفاز
ياسبحان من مغني عباده ومحرمّها

تقول ان هيبتنا لقته وعطته القاز
تدكّ الصفا بالفعل لاجت وتعدمها

نجي(حزّت العثره)لمنهو رثع معكاز
نجي في نهاية اخر الشوط نحسمها

ملاذ الفقيراللي من الناس والمعتاز
لناحلتن تُعرف بكثرت عزايمها

لو يمرنا ضيفن مسيّر من القوقاز
لقيت الولد يعزم والايمان يصرمها

تربّى على (يامرحبا) قبل مايجتاز
مراحل بداياته وهو دوب يلزمها

تقول ان هرمون الفخر مكثر الافراز
الين الله أعلى شان الاجواد واكرمها

#فهد_المنصوري