الشيخ بن باز رحمه الله - فارس الزبالي الحربي

رحمك الله ياعبدالعزيز العالم أبن باز
عساك بجنة الفردوس تصبحها وتمسيها

محرم كل شيً مايجوز وحلل الي جاز
على نهج النبي له سيرة محدً يوازيها

كفيف عيون لكنه صنع للمسلمين انجاز
تفاخر به هل الاسلام في أولها وتاليها

فتاويه اصبحت في قمة الامجاد ماتنهاز
وله الفضل الكبير مثقف الامه وهاديها

بحب الواحد الباري وحب اهل الشريعة فاز
محبه لو يطول الوقت تحيي ذكر راعيها

على عهده ومن بعده هل الدين الحنيف عزاز
وكلن يوم ودع دمعته ماقدر يخفيها

بكت كل العيون المومنه وايضاً بكاء العكاز
ولكن ماتفيد الدمع لو سالت باراضيها

الا ياصورة اغلى من سكن في داخل البرواز
عساك الجنة اللي كل مسلم يرتجي فيها

© 2024 - موقع الشعر