وليا انشدوني قلت حالي تمامي - فارس الزبالي الحربي

ياطايره متوجهه يمت الشام
ودي سلامي لربوع الحشامي

ثم اخبريهم عقبهم صرت مانام
حتى عيوني حاربن المنامي

يومين مرت كنها خمسة اعوام
على فراق الطيبين الكرامي

شوقي لهم عجزت تعبره الاقلام
من كثرشوقي ناحلاتن عظامي

ومهما كتبت ابيات بالشعر مانلام
من شوقهم ماوفيت مجمل كلامي

الي مضى جيران في بيت وخيام
ولوضع مايحتاج لهل الغرامي

وبعد مضى عامين مع عدة ايام
شدو على طاري ربيع الخزامي

شدو وانا قلبي من الحب منضام
على وليف دون عشرين عامي

انوح نوح ايتام في ديرة ايتام
وليا نشدوني قلت حالي تمامي

وياطير يالي فوق دار الغضى حام
وصل لمن بيح خفايه سلامي

بريت حالي بري ورعن لمرسام
وخليتي يامولع القلب ضامي

يالله تصبرني على جور الايام
وتعين من قلبه من الشوق هامي

ويالله يالي للخفيات علام
انك ترد الغايبين بسلامي

© 2024 - موقع الشعر