ياهل الوفا والجميل مطوعين الصعاب - عبد ربه عتيـّق العازمي العتيبي

عبد ربه بن عتيّق بن سالم العازمي العتيبي
ياهل الوفا والجميل مطوعين الصعاب

قطاعةالفرجة اللي مبعدٌ دوها
ياهل الأمانات لاجاء في الزمان انقلاب

واهل سدودٍ على الأسرار ياقوها
ودوا سلامي لابوفيصل عزيز الجناب

النادر اللي دلاله ماطفا ضوها
يمناه فيها كرم حاتم وشلفا ذياب

وراثةٍ له قديمة ماهي بتوها
تحيةٍ عد براق الدجى في السحاب

في عارض المزنة اللي مرزمٍ نوها
تحية أعجاب فيها الشهد سلسل وذاب

والعود الأزرق بعطره غامرٍ جوها
وقولوله إن الليالي لوعليها حجاب

يبين له ذيبها ويبين له بوها
السالفة ياحبيب بين ضرسٍ وناب

مادام حسن النوايا ماغلب سوها
جتنا علوم الطراقي جعلهم للذهاب

أحيان ياكثرها وأحيان يا شوها
قالوا بعضها خطا والبعض الآخر صواب

وقلنا ياباني بيوت المعرفة طوها
بابٍ يجي ظاهره رحمة وبطنه عذاب

وبقعا ترى الشر بسفلها وبعلوها
اللي منول تعزه من معزة حباب

اليوم خالط علومه ربدها حوها
النذل عينه ما يملاها ياكود التراب

وياللي تسرح رعية مصطفى ضوها
هاك الحقيقة تمعنها ورد الجواب

ومجمل عزومك على رد البرا قوها
والمعذرة ياطويل العمر والقاف شاب

والغلطة اللي تجي من عندنا سوها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر