ياصاحبي خربت الصحبه كلامٍ وكاد - عبد ربه عتيـّق العازمي العتيبي

عبد ربه بن عتيّق بن سالم العازمي العتيبي
ياصاحبي خربت الصحبه كلامٍ وكاد

لاعاد تنشد عن الموضوع و يش الجديد
لاعاد تشغل ضميرك قدّر الله وأراد

كثر التوجّاد مع حكم القدر مايفيد
من مبطي الوضع بادٍ لي علاه انتقاد

لكن أجامل .. وأقول أكيد ماهوب أكيد
واليوم جبت المطمّه لان ثار الزناد

مالك بعدها سوى نارٍ تذيب الحديد
وانت السبب ف القدايم والسبب ف الجداد

وياليتها بس هاذي مير هل من مزيد
وأنا ماعاد استطيع اصبر على الاضطهاد

أحيا على عز والا اموت ل جلك شهيد
والله ماخليك ف عيوني تذر الرماد

وأنا أعرف العلم و أمشي لي برايٍ سديد
خلقني الله كاين حي عكس الجماد

وأخذت حكمه من أقوال الزلامي ( رشيد )
النمله ليا نواها الله بعلم النفاد

ركّب عليها جناااح و قال طيري بعيد
وشعيل من خلقته ماشال هم القراد

مهما يدبدب يبا يمشي وعزمه شديد
وأنته بعد مانخدعت بزَيْن صورة جواد

مدري وش تقول لو جت لك سميره سعيد
ياعنك منتب رشيد ولنت ويّا الرشاد

من يامنك لا تخم الصبح عبدالمجيد
روّح وحسبي علاك الله ولي العباد

ياعبد منت اب مكلّف في ومور العبيد
لو طاح كار المسامه مايطيح الشداد

امدك اب جزل وأنت تمدّني بالزهيد
ياعزتي للذي من خدمته ماستفاد

الفقر يجري معه حتى ب دم الوريد
عز الله إنه يبا يقعد كلامٍ وكاد

وان قال يافزعة الله قيل له لاجديد

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر