ساقت لـي الفنجـال قالـت تقهـوّى - صقر الصقر

ساقت لي الفنجال قالت تقهوّى
من دلةٍ وابهارها زعفراني

قالت على كيفك وشفي تسوّى
نعرف مزاجك ياطليق اليماني

في مجلسٍ فيه الدخون يتلوى
والعود الازرق فايحٍ باالمكاني

وسقاني الفنجال بالحب سقوّى
من كفها وجهٍ لوجهٍ عياني

واونست قلبي والمعاليق تطوّى
في سوق حبه باعني واشتراني

ولا لي جدى00واقول حيل الله اقوّى
في مجلسه بسهوم عينه رماني

محشومةٍ عن كل عيبٍ وردوّا
لكن هاذي من صدوف الزماني

ونحرت بيت العز وطيور شلوّى
وساع الصدور مكبرين الصواني

يافيصل العاكور ماعاد نقوّى
والصبر ماينطاق للمودماني

الحق رفيقك كان تقدر وتقوّى
لاتاصل الدعوى (لكوفي عناني)

وان كان جبت الحل من عندك اشوّى
واللي وطى(عنتر) بفعله وطاني

الله يلحق حالتي منك نشوّى
من فزعتك 00من فوق بنت الحصاني

© 2022 - موقع الشعر