عند الغروب بساحل البحر الاحمـر - صقر الصقر

عند الغروب بساحل البحر الاحمر
مع هبة النسناس زود عنايه

شفت الفرس مركوزة الذيل الاشقر
اللي كست باالشقرنصف العبايه

مابين كتف وردف سيلٍ تحدر
ومن فوق راس الردف وصل النهايه

ماهي طويله فى الطويلات الاقصر
مربوعةٍ باالطول تبحث خفايه

على الشفايف حطة الروج الاحمر
ومحدده لونه بلطف وعنايه

ريقه عسل صافي كما الشهد واخطر
لو ترخصه تروي ضماي وشقايه

مع صف لولو فاح مسكٍ وعنبر
وتفاحتينٍ فوق صدره نكايه

شالة بها شيفون ناعم معطر
تنحر بلا سيفٍ ورمح وعصايه

ماشالته حمالته عقب ما اثمر
توه على اول طلعته والبدايه

والخد وردٍ فتح الصبح وازهر
ياالله لاتقطع رجاه ورجايه

وباالجفن الاعلى حطت الكحل الاسمر
تمشي على الموضات غاية منايه

واللي كتبت بوصفها عدة اسطر
وياالله تجعل خاتمتنا الهدايه

© 2022 - موقع الشعر