ياشاعـر التعليـم ياحيـف ياحيـف - صقر الصقر

ياشاعر التعليم ياحيف ياحيف
ياكيف تقطعنا بدون اتصالي

وانته لنا مثل اشقر البن والكيف
واصفى من العد القراح الزلالي

باسلوب شعرك سقت عذب التواصيف
مثل البحر عمقه ورووس الجبالي

علم وثقافه مادخل فيه تكليف
منها تصب الكيف كيف الرجالي

ماقلت غير الحق مافيه تزييف
اللي سطع نوره بسود الليالي

من قو نوره شق ليل التواكيف
وابصر به اللي جا بعقله ظلالي

عساه سالم من جميع الصواديف
ويستاهل البيضا على كل عالي

وقد رد شاعرنا الرائع / محمد بن عباس الطريفي
امس الضحى عديت رووس المشاريف

وغنيت في راس الجبل ماطرالي
من هاجسي سطرت زين المحاريف

قافٍ نعده مثل عد الريالي
لمجاوبة رمز الوفا والمعاريف

اللي نشد عني بزين السوالي
من رووس قومٍ يحتمون المواقيف

كسابة الامداح اول وتالي
ياعايض بن عبيد ياكيف ياكيف

اقطعك وانته دوم الايام غالي
ولولا الظروف اللي حدتني على السيف

ماغبت عنكم ياكريم السبالي
وبلغ لصقر الصقر من غير تكليف

شكري وتقديري وكل امتثالي
وعد السحاب اللي مزونه مراديف

صلوا على المختار واف الخصالي
© 2024 - موقع الشعر