لاتشتكي لي من ردى حظ النصيب
غيب الأمور الله علم وادرابها
خلك مع الله والفرج عنده قريب
واترك امورك للمعين اولا بها
هذي حياتك آخر الضحكه نحيب
في حفرة ٍ هلّو عليك ترابها
يبقى عملك اللي يفكك بالمغيب
من نار توقد واللهب باجنابها
اما يخيبك العمل والا يصيب
والجنة المفلح طلبها وجابها
اخلص عملك لوجه مولانا المُجيب
اللي له العالم حنت برقابها
خل الصلاه بوقتها لا لا تغيب
واترك مشاغل دنيتك واسبابها
والصوم مايحتاج ! له فضلٍ عجيب
وباقي الجوارح لاتسن أنيابها
والحج كانك تستطيع انك تجيب
الناس لاجره تعتري من ثيابها
واخرج زكاتك تكسب ارضاء الحبيب
الله كتبها والنبي وصۍٰ بها
تترك بها دربٍ تمثنابك كئيب
وتكسب بها جنه وسيعٍ بابها
إترك مصاغير الامور اللي تعيب
وكثر الخطايا ربي مايرضابها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.