سطرت من عندي بيوتٍ كليفات
لااهل الوفا ماهيب عندي رخيصه
وجزل القوافي والمعاني حليفات
متكامله ماجبت فيها نقيصه
وان صدرت ماعودت لي معيفات
ترجع سمان ولا لحقها غميصه
تارد على راع العلوم الطريفات
جزل الكلام محشمه عن غفيصه
هذاك ابو تركي زبون المخيفات
اصل الذهب ماكثروا من بليصه
راع السمينه مايعرف الضعيفات
والمال مايكرم نفوسٍ حريصه
وحنا رقينا فوق رووس المنيفات
يوم الثعل ممشاه في جنب نيصه
وسليت هندٍ فى الملاقا رهيفات
واللي ينفص مايسره نفيصه
والداب الاسود لو جنوبه نظيفات
السم في بطنه ويعرف قريصه
وناسٍ ثقال عقول واخرى خفيفات
واللي خبصها فوق راسه خبيصه
رد محمد بن عباس البقمي
لاهاض هاجوسي وسطرت الابيات
اخلص المعنى واجيد تخليصه
احرص على بدع البيوت الثمينات
وكلن على جسمه يفصل قميصه
ويااصحابنا يااهل العقول الذهينات
التمر يوخذ طيبه دون شيصه
ومن بعد هيضني زبون المهمات
لوكان قيفانه على ات وايصه
افطن ترا شمرخ جبال وملفات
وراع القنص دوبه رجع من قنيصه
واقولك مافات ياصاحبي مات
ومالك ومال السوق لاصار غيصه
احدن على نيه واحد عشر نيات
واللي يحوص مايفيد تحويصه
اشهر سوات الحر في كل الاوقات
واغليص خله ينثبر مع غليصه
وترا هنيه مثل صايب عريقات
والمشكله صارت عليهم عويصه
وخل الزيود تخزن وتاكل القات
حتى تصير بتالي الوقت هيصه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.