اهداء للوجيه / عبدالله بن محمد بن بن فهد بن غراب المري - منصور الوذين المري

يابو محمد شفت من خلف بيبان
بيبان مجلسكم عليها ستاره

ارب مابه شر ياطير حوران
من رحلتك للبر جابك غياره

مريت مجلسكم شفوق اولهان
وعلى مشاهدكم اسوق البشاره

لديت شبحي يوم مريت من شان
علِي اشوفك حيث جيك تجاره

وجريت من اقصى ضميري تونوان
واقول عبدالله الا وين داره

وسمعني المجلس وجاوب باللحان
عبدالله هالايام يبغي الزباره

له مجلس تلقاه بطراف ذيدان
والا ضواه الليل يشعم لناره

ومجالسةخطلان الايدي بريضان
ويقوم لين الصبح يظهرحماره

مايسمع اخبار الجزيره وعماَن
يسمع خلاج اخت الفحل والحواره

متى على الله ينفتح كل غلقان\
ويعود من يجمع كبار وصغاره

اقولها واللي خلق جن وانسان
هيبة ملك اخذتها عن جداره

كبير قوم وعادتك تقضي الشان
لاخاب من ماله وجاهه خساره

لك مجلس مايدهله كون ديقان
كل ابلجٍ لاجاه زاده وقاره

لاصرت وسطه كنك بالوصف سلطان
اذا جلس للشعب وسط الأماره

امشرع البيبان صبحٍ ومسيان
ودلال بنٍ دايمً باستداره

فنجالها يبري خوى راس عمسان
مخلوط هيل وزعفران وبهاره

وحيل تقلط للنشاما وحيران
والعود الازرق فوق حمر الجماره

جعله افداك اللي مجالسه حقران
في عينه ايشوف النشاما شراره

وجعله فداك اللي على الشين عوّان
هو مادرى انه في عماره دماره

ولا اهثم الطيب ولا اقول يافلان
الناس كلن دون حقه ودراه

© 2024 - موقع الشعر