شمس الأحداث

* لو تسجّع بالتراتيل يامنطق سجاح
* منت مهوى كل ضامر طوت فجٍ فسيح

* كل شيءً خف وزنه .. تبعثره الرياح
* كان ما ساسه مجذّر على النهج الصحيح

* وان تجلت شمس الأحداث ظل الوقت طاح
* قبل ليل الظلم ما يشتكي منه الجريح

* نعرض الشك المبلور ل تيار الصحاح
* لين من وهج الحقيقه ببآطيله يسيح

* من يقول اللهُ أكبر .. وحيّا للفلاح
* كيف يتبنى الضلالة ويركع للقبيح

* لا يظن اليا خفضنا من الحكمة جناح
* اننا نخشى الملمات ونهاب النطيح

* فالوديعه والمنامة وفي دار الصباح
* كل بيرق بعد رزة بيارقنا يطيح

* يوم أخو نورة على الحزم صد الاجتياح
* ساندوه اخوان شمّا على العلم الرجيح

* قالوا ان أصدورنا درع ويدينا سلاح
* ما تلحفنا المعاذير لا حمي الصفيح

* مير عنق الفتنة ان طال نكسيه الوشاح
* قبل فار الشر يعريّه بالشكل الصريح

* أنتهجى بالفراسة ولو مالصدر باح
* كل أناءٍ ما حوى فيه يظهر له نضيح

* كم ربيعٍ قد حصد شعبه السم الذحاح
* وكم دفُن في جب الأيهام من حقٍ فصيح

* هكذا يابلاد الأسلام كم فيك استباح
* حزن ابو يوسف وكيد أخوة الوجه المليح

* هو متى ياداجي الضيم يوم الشوف راح ؟
* ( يرتمي قميص الأفراح والعتمة يزيح )