شمس السهر

شمس الهجير القى لها فيّ وظلال'
'وشمس السهر من وين بالقى لها في

لا جذع..لا سقفٍ يتقّي.. ودسمال'
'حتيش لو مزن السما جاد بالمي

من نصف شوال ٍ ليا نصف شوال'
'وانا أنا م الفطر الاول وهي هي

ما كنّها الاّ تحرق اعصاب رجال'
'ولا كنّها الا تشوي احساسي الني

هذا ومشرقها على روس الاقذال'
'ما ذِكْر له مبدا ولا شيف له جي

سهران والسهران ما طاب له فال'
'ما لدّ ظهره للكرا الاّ وبه شي

شي ٍ برا حالي.. وفي الحال ما زال'
'اي والله ان ما زال هذا البلا في

ان قلت في راسي.. فلا حالته عال'
'وان قلت ف يدي.. ف هْي ملويّة ٍ لي

وان قلت في جاشي.. فلا حاله بحال'
'وان قلت باقدامي.. ف مسلوكها الغي

بيّحت وش بيّحت من خلف الاقفال'
'اكثير بيّحته وانا احسْبه شوي

من حزني الواسع ومن ضيقة البال'
'ما غير اردد (يوووه) يا وقتي العي

واجرّ دمعاتي.. على كل موال'
'دمع ٍ حمر جابه لي الطالع السي

والله لو ان دمعي على انهاية آجال'
'يمدي الغياهيب ادبرت.. واقبل الضي

بسّ البلا كله.. من الجال للجال'
'دمعات عيني كلّبوها على حي