اتحرى صدفةٍ له تجيبه من بعيد - احمد بن مطر الهاجري

اتحرى صدفةٍ له تجيبه من بعيد
ادري اني لو بصادفه مايبطي عجل

ترقب عيوني الممرات ماشيٍٍ جديد
في زوايا ((...)) واروقتها لي سجل

تقبل جموعٍ وتقفي وانا واقف وحيد
لجل عينه واقفله على ساق ورجل

لا تهادى بكل مافيه ، عني مايحيد
لا مشا على حيا وان وقف على خجل

في عيونه لو بخايل تواصيف الفريد
يذبح القلب بتسلهام عينيه النجل

سوا في قلبي سوايا وانا طبعي عنيد
وارتجلي بالمشاعر قدم لا يرتجل

في زبيده مايلومون هارون الرشيد
ولا على مجنون ليلى مشاريه ووجل

ليت يدري بان حبه جرى وسط الوريد
باقين ذكراه مانساه لي يوم الاجل

© 2023 - موقع الشعر