يومن تهيا صوته انك تجيبه

. ياالله يالمعبود ياسامع الصوت
يومن تهيا صوته إنك تجيبه

الغالي اللي في وصاله لنا قوت
والبعد نار(ن) فالمحاني لهيبه

يارب يامنجي نبيك من الحوت
ترد لي واحد فراقه مصيبه

يعود لي مادام مافات له فوت
وانا على خبره وانا له حبيبه

اذا دعاني صوته القلب مبخوت
عقبال عيني بشوفته تهتني به

غلاه باقي بين الاضلاع منحوت
والعين فيها باين ٍ تهتدي به

ماعاد بي قدره خلاص ماابي سكوت
ابي وصال اللي لقلبي طبيبه

العفو جايز والسماحه ولا اموت
ان كان به غيره حشا وش ابي به