ياثقيله خفي شوي مال الثقل داع - احمد بن مطر الهاجري

ياثقيله خفي شوي مال الثقل داع
خلف حدب ظلوعك العوج قلبن منجرف

بعد ماصرنا نتواصل وجينا باندفاع
اعترفتيلي وانا جيت كلي معترف

لين شفتك عايشه في سنوات الضياع
صرت انا اقرب من عيونك لدمعن منذرف

احتويتك بالاحاسيس قدر المستطاع
واقترفتك فالهوى مثل ذنبٍ مقترف

ما انحرفت لشفتينك وعينيك الوساع
والله اني يم طيبك وقلبك منحرف

قلبي اللي ماهقيته يطيعك بس طاع
عشت في راحه وانا قبل اعرفك منكرف

ألتقيتك لين عفت التجافي والوداع
والدليل اني مع الوقت ماني منصرف

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر