لو كنت طايح في الهوى والخطيّه

لـ مسعود القحطاني، ، في الغزل والوصف، آخر تحديث

لو كنت طايح في الهوى والخطيّه - مسعود القحطاني

لو كنت طايح في الهوى والخطيّه
سابق على درب الغلا الف خطوه

لا تصير خطواتك قصيره بطيّه
درب الغلا والحب يازين اطوه

ياليت صدرك ينعطى لي عطيّه
واسطي علي ذيك النواهيد سطوه

ذاك الصدر مطوي على كل طيّه
حاربني الصدر المعظّم بمطوه

هبت على صدره هبوب شبطيّه
وغطّا نواهيده تحت ظل غطوه

يقول صدري حكمته سقرطّيه
هذا عشانه عاشقي ضم قطوة

ياللي تهز الخصر فوق الشطيّه
ذبحتني يا زين من هز شطوه

كل السوالف وسط ردفه اخرطيّه
في مشيته من ثقل الارداف بطوه

راكب على ردفه سوات المطيّه
ومغبون مني تالي الوقت ! عطوه

الشاعر مسعود القحطاني
© 2024 - موقع الشعر