طايح بكبدي - نواف الدبل

ان رحت و لا جيت ما عاد انا ابغاك
يا سلعتن مامن وراها مكاسب

كم لي وانا اعطيك مافاد وياك
ما تدري ان الحب نسبه وتناسب

طايح بكبدي جعلني ماتحراك
واثبت لي انك بالحساب راسب

هذه حياتي معك دوم اتقفاك
لنك تحسب ان فيه خاسر و كاسب

الحب ما يبنى على ابراج و افلاك
واذا فحصته ما يخلف رواسب

والورد ماوالله تناسبه الاشواك
وشكلي على شكلك ابد.. ما يناسب

انته زعولٍ وانطوائي وشكّاك
ونا اذا عصبت ماعرف احاسب

اسمع كلامٍ يوصلك ويتعداااك
منت المناسب , بالمكان المناسب

© 2024 - موقع الشعر