يا مل قلبً مثل صاحبه متعكّر

لـ مسعود القحطاني، ، في الغزل والوصف، آخر تحديث

يا مل قلبً مثل صاحبه متعكّر - مسعود القحطاني

يا مل قلبً مثل صاحبه متعكّر
قلبً تلاوح عليه من الشقا عكرة

من شان غروً عليه الزين متحكّر
ماخذ جماله على وجهه ومحتكرة

ادري حبيبي على الوجهين يتنكّر
ما همه العاذل الشمات والنكرة

الوجه والله حرام الكذب ما جكّر
وشلون ذالزين ربي يبدله جكرة

وعيونه السود فيها الخبل متذكّر
تخلف عيون الفطين وانمحى ذكرة

والشفه اللي عليها الدم متزكّر
يا ويل قلبي عليها زايده زكرة

الشفه اللي عليها الخوخ والسكّر
مزروع شفه على شفي ومبتكرة

والعنق عنق الظبي لا قام يتمكّر
عنقً الحبيّب ذبحني ياعرب مكرة

والصدر شفته عليه الثوب متسكّر
اكل نواهد حبيبي حزة السكرة

النهد واقف بجنب النهد ويفكّر
يقول يا كيف ابطلع وينها الفكرة

ملهوف بطنه على الخصرين متدكّر
لا بد خصره على الردفين به دكرة

والردف كنه يقول لصاحبه بكّر
لا بد ترجع عليّه لو بعد بكرة

اشوف ردفه على الساقين يتشكّر
يرسل سلامه علي ولا نسى شكرة

والساق ساق النعامه ساع ما هكّر
يوطي على حاكمً يحكم على وكرة

ساقّ صخيف حرامً انه هواه الكّر
يكر و يفر ما فرّت به البكرة

يا قلبي اللي من الغيبات متوكّر
غيبه وليف المشاعر ابرة و مكرة

الشاعر مسعود القحطاني
© 2024 - موقع الشعر