ما هنى لعيني كرى - وقاد الرسلاني

ماهنى لعيني كرى من يوم قبل أمس
من حنين و شوق في صدري يلجّن

لجة اللي منحرم من رشفٍ و غمس
والبلا عن زاده ظروفه يحدّن

ياحبيبة خاطري يا عذبة الهمس
يا ملاكٍ ما يشابه إنسٍ و جن

من بعد ليل الفراق المظلم الدمس
انقطع حبل الوصال و خاطري جن

جالسٍ ماغير اقلّب خمْسٍ بخمس
عاجزٍ لا اجيك وايدينك يعجزن

بنتظر لآخر نهار تطلّ به شمس
وصل .. يحيي خافقي لا هاتفي رن

© 2024 - موقع الشعر