ليتهم قالوا تبرع بدال الدم .. عمر

يا إلاهي وانت ربي وجا منّك امر
ماكتبته بالمقادير في امي قدا

ارحم اللي قبل تدفن عجزت اللقى ممر
الجموع تشلّها والقبر دونه مدى

يوم ساووها بلحدها ودمعي ينهمر
واكشفوا للقبله الوجه مادمعي هدى

كنها يوم استوت داخل القبر .. القمر
لا كشف لليل نوره ونوره قد بدى

وكل لحظه في حياتي مع امي تمر
اتوجّد واتمنّى ولا لصوتي صدى

ليتهم قالوا تبرع بدال الدم .. عمر
والله ان سنين عمري لجل امي فدا

ياعساها بجنةٍ في نعيمن مستمر
والعمر في طاعة الله ماهو برايح سدى