نسير لبو جابر

نبي نسيّر لبو جابر بديوانه
ونشوف قصر المعزه قصر دسماني

قصر على عهده أبوه وعهد جدانه
ماكر فروخ الحرار طيوةر حوراني

بيت الشرف ما تسكّر عنك بيبانه
مسكان الاجواد للاجين مزباني

مسكان أمير الكويت ورمز عنوانه
أبو مبارك اليا جا العلم وكداني

عز العرب والوطن والدين وأركانه
سمح المحيا رفيع الجاه والشاني

غيث لشعب الكويت وريف جيرانه
يعطي اليتامي بيوت وراتب ثاني

ومعوقين الوطن عجزه وشيبانه
كل جعلّه رفاهيه ومسكاني

يالله عسى ما عطا يرجح ابميزانه
في يوم يلقا حساب فيه دياني

ويحفظه المعتلي وأبناه وإخوانه
وآل الصباح الكرام حماة الأوطاني

وشعب الكويت الوفي حصره وبدوانه
جعله بأمان وعز ودوم فرحاني

وقولوا معي باسم رب البيت سبحانه
جار الله الدار من حاسد وشيطاني

هذا وتم الجواب وزانت الحانه
ابختصر ما ذكرت وقلت بلساني

وارجع لمن جيت من بيتي على شانه
لابت الشجاع أحمد قهيداني

شيخ تشوف السعد من بين حجانه
والمرجله والمروّة فيه نيشاني

وأقول جاك الذي جابنّه أحزانه
قلبه وفكره على المقناص شفقاني

شفق على البر وحزومه وشعبانه
ومقناص حد الحجر بفروع ودياني

معكم الياحط بالوانيت غرضانه
وناديت لفهيد ورخيّص وحمداني

ومعك أشقر كامل ريشه وجنحانه
يشدي لدسمان والا مثل برقاني

اشقر طويل المعنق شبر إلبانه
كنه على الوكر لا شافوه سلطاني

لا وقّع إبروضهن ما طار حفانه
تخدمن له يخزّنه بالأعياني

ذي منوتي دام أشوف النفس ولهانه
فالصيد والطير وإلا أن العمر فاني

يا شيخ واضح كلامي جاك برهانه
والمعذرة كان ابه زود ونقصاني

وصلوا على المصطفى ماهل ودانه
اوعد ما غاب نجم وبالسما باني