ندي لبو مشعل سلام ونطيعه

لـ ناجي الصقار، ، في المدح والافتخار، آخر تحديث

ندي لبو مشعل سلام ونطيعه - ناجي الصقار

أجمل تهاني والتباريك خطيت
جرة قلم كوبان يسمع ذعيعه

لك يا محمد يوم قالوا ترقيت
ورقيت في سلَّم مناصب رفيعه

رتبة شرف يزها بها ذايع الصيت
محمد الأحمد نقدر صنيعه

ومنها نشوفك في ضعنها تعليت
ترقى مناصبها براس البديعه

راية حمد ترعاك وان رحت وان جيت
دامت قطر قلعة صمودٍ منيعه

يا ليتنا كنا بقربك ويا ليت
ونبقى معك في جيشنا بالطليعه

نحرس قطر من حاقدين وفتافيت
وندي لبو مشعل سلام ونطيعه

وانْثبت الأيمان بالقلب تثبيت
وانْطبق الأسلام حسب الشريعه

خلف الأمير الي تحدى الطواغيت
وسوالهم في كِل شعبٍ ربيعه

شيخ العرب ما زال ذكر لهل البيت
وارواحنا لاجله بترخص وديعه

يَمحمد الأحمد تهاني وهنيت
ون ضاقت الدنيا بصدرك وسيعه

في دار ابو مشعل حمد ما تعنيت
جاهٍ لكل مؤمن محمد شفيعه

© 2024 - موقع الشعر