مدرسة وقتنا

من مدرسة وقتنا يا كم تعلّمنا
دروس لولا التّجارب ما عرفناها

أيّام فيها مضت يا كم تحمّلنا
اظروفٍ من القساوه ما نسيناها

لكن ركزنا عزايمنا ولا زلنا
نحاول نحقّق أحلامٍ بنيناها

طبنا وجدنا وجمّلنا وجاملنا
ولا بقت حاجةٍ ما قد فعلناها

والنّاس بأفعالها تبغى تتعبنا
ولا درينا متى تصفى نواياها

يا كم شكينا الزّمان ولا درى عنّا
ونقول الايّام تتغيّر .. وهي ياها

لوّ تحشمنا الظّروف وتستحي منّا
في ذمّتي ذمّه ان ماذي بسواياها