الشيب

لو شفتنا يا زين بيض الحانا
ما هوب عيب جارك الله من العيب

ما هوب عيب الشيب يوم إبتلانا
العيب فاللي يسهجون المواجيب

حنا عن الهسات نقصر إخطانا
نتعب على الطولات وندور الطيب

ندرى شرف جيرانا واقصرانا
ونحطهم في عاليات المراقيب

ونعد جارة بيتنا في حمانا
منا ولو كانت من أقصى الأجانيب

وضيف الخلا له مسهم من عشانا
نبذله المجهود مع كل ترحيب

وليمن مقرود الرفاقه بلانا
عليه والله ما نهز المشاعيب

حنا نعده واحد من أعضانا
ما نلتفت لمولعين المشاهيب

هذي طبايعنا وهذا هوانا
ياللي تقول الشيب كله عذاريب