الشيب ماهو عيب

الشيب ماهو عيب ياهل المعايب
العيب في جور القرايب والأصحاب

لا أقفو وصدو دون ذنب وسبايب
عقب القرابه مثلهم مثل الأجناب

في ذالزمن شفنا العجب والعجايب
وقتاً غريباً والبشر صارو أغراب

من شاب راسه قالو الناس شايب
مادريّو أن الشيب لظهوره أسباب

كم من صغيراً أتعبته المصايب
وشاب الشعر في وسط راسه وهو شاب

وكم من فقيراً ماحسب للحسايب
طيّب ويعطي لكن الوقت ماطاب

همه كبير وماقوى للصعايب
وأكبر همومه لالفى الضيف للباب

شاب الزمن في ناظره بالغصايب
والشيب بيّن في عيونه والأهداب

مير أهجدو يامدورين السبايب
الشيب في بعض الرجاجيل بأسباب

والعمر ماطيّب من الناس عايب
ولاعيّب اللي يفعل الطيب لوعاب