التعريف بالشمّري عيب

جيت الرجال اللي على العز والطيب
اللي لهم بالمجد صوله وجوله

اللي يعَرفون الوفا والمواجيب
والا الكرم في سلمهم شرْع دوله

لا جيتهم .. فوح الدلال وْ تراحيب
رْجال .. لا منّي نشدت ( الرجوله ) .. !!

قصدي ب(شمّر) ..ما لحق صيتهم ريب
ولا جبت قصدي لجْل شيّ ٍ أنوله ..

قلت (الطنايا) .. واعْرف الشعْر ما يْخيب
في ذكرهم هالشعْر نوّخ ذلوله.. !!

حتى .. ترى التعريف بالشمّري عيب .. !!
معروف صيت الشمّري من فعوله

فيهم من اللي لا وطى جرحك يطيب
مطْيب (بعد حيي) اذا جا يقوله

في ذكر شمّر تشرق الشمس وتغيب
في حب شمّر .. هالمعاني خجوله

يالله ياللي عالم السر والغيب
الشعْر ما يوفي .. بعرضه وطوله ..

يالله تحشمهم عن ايّة عذاريب
دام الكرم في سلمهم شرْع دوله .. !!