لى جيت أقول بحارتك دار للبيع - دحام المنور الخالدي

الزينة اللي يشوفها يروح توزيع
قلبه بحارة .. وما بقى له بحارة

العين تاهت في جمال التقاطيع
والقلب طوّب للخوندي عقاره

بالشال لو سوّت عن الشمس تشريع
نسّم علينا .. مسكه وجلّناره

وإن ردّته هاضت علي المواجيع
ومن نحرها تقدر تطفي الإنارة

الحيط مكتوب عليه من اسابيع
ولقيتها فرصة هذيك العبارة

قلبتها راعي فلوس ومشاريع
والجيب خالي ما حوى نص بارة

تشابكت كل الحروف المفازيع
وعجزت أركّب جملة من الحرارة

لى جيت أقول بحارتك دار للبيع؟؟
طلعت معي : ألقى بصدرك عمارة؟!

للخيبة بوجه الحلاوة تشافيع
لى سببت ضحكة دلع واستدارة

© 2022 - موقع الشعر