قلب للبيع ...

لـ حاتم منصور، ، في غير مصنف، 52

قلب للبيع ... - حاتم منصور

من اللي يشتري مني و ابيعه قلب يا ساده
خلا من الحقد و البغضا و ما فيه الانانيّه

يخاف ان يعتريه نفاق و دايم يقرا اوراده
صبور و عايش لحاله عدو الدبلوماسيّه

يغار لدينه و عرضه و يغار لتربة بلاده
غربيّه .. و جنوبيّه .. و شرقيّه .. و شماليّه

و يكره طاري الكذاب و صار الصدق به عاده
و يتجاهل بخيل الكف و راع الجود يا حيّه

ابد ما طبه الطماع و خاين ربه و عباده
فطين ٍ للي ما يسوى و عليه بشت ٍ حساويه

لذا بآ ابيع من يشري ! حفيد لسالف اجداده
وريث المجد و الغزوات ودايم نارهم حيّه

وعد مني بعد قلبي ما آشري قلب يا ساده
اموت و لا اشتري لي قلب حسّاد و حراميه

© 2024 - موقع الشعر