قلب للبيع. لـ ظبية البان

قلب للبيع - ظبية البان

ارخصت انا قلبي بعرضه للبيع
بشوف كم تسوى قلوب المحبين

من يشتري هالقلب مافيه ترجيع
ياخذه باللي فيه يا زين يا شين

قلب(ن) يزيد اللي يراعيه توليع
ويعلمه وشلون تدمع له العين

ويقطع قلوب المواليف تقطيع
و يسيل دمه لكن بدون سكين

ويزيد من يهواه حب(ن) و تلويع
و يدوخه و بزين و بزين و بزين

الين مايرقا النجوم الملاميع
ويقول لي يابنت تكفين تكفين

داخل على سيد الحلا و المفاريع
انا بشر يا زين من طين من طين

عطشان ابي من صافيات الينابيع
ما يروي الظامي و يحي البساتين

استغفر الله بس بطلت هالبيع
و اعوذ بالله من فعول الشياطين

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.