عنود المزايين

يا مرحبا باللي خد الزين كله
خشف المها الغالي عيون المزايين

نجل العيون اللي هدبهن مظله
ومحاجر للموت فيهن نياشين

ليكن بعيونه جموع مطله
عساكر تأمر عليها سلاطين

وإن طال معك مشاهده ما تمله
كنك تدوّج في فياض وبساتين

إمكملِ زينه دلاله ودله
يجرح خفا والناس ما هم بدارين

يهموزني بسكاتمحدِ فطنله
ويرسل على إسهوم قوم إمغيرين

وإن قلت له يا زين ذا الطبع خاله
ليه إتعسرني عن طريق المصلين

أغضى علي وقال خله لعله
تطلب معي دين وأنا طالبك بدين

يبا اسنين الفايتة يرجعله
عهد قديم وخبْرنا فيه مبطين

يا عونت الله يا ليال مضنله
يوم الشباب ولذته قبل هالحين

الجو صافي والمواريد فله
قطين عد وفوق جاله مقيمين

أيتام تركب شوفتي شوفتله
عشرة وفا بيني وبينه على الزين

ما جاه مني ناب الأرداف زله
وهو بعد ععرضه زكي عن الشين

يوم إنه أوجهلي وأإنا موجهله
مشيت له سلم مشوه المحبين

واليوم راح ولا هواي ابهوله
أقفا وحنل عن هوى البال مقفين

يالله ياللي كل عقد تحله
يا منزل سورة تبارك وياسين

إنك تجنبنا الخزي والمذله
وبهداك ثبتنا على الحق والدين