يا فارقه بالزين والاخلاق

لـ عبدالله لافي المطيري، ، في الغزل والوصف، آخر تحديث

يا فارقه بالزين والاخلاق - عبدالله لافي المطيري

يا فارقه بالزين والاخلاق
على عروش الحسن حسنك فاق

القرب منّك جنة الدنيا
والبعد عنّك شي ما ينطاق

مشتاق لك لو ما سألتيني
حتى وانا جنبك عليك اشتاق

تعالي اقهويك من بوحي
واشعل لك احساسي دفا واشراق

ترى خفوقي ميّت من البرد
وبرد الجفا ما يرحم العشّاق

مشتاق ل انفاسك ولمساتك
ومحتاج من معسولك الترياق

احتاج عينك تحتضن عيني
واحتاج من جمرة غضاك اعناق

لبى شفاتك لا تبسّمتي
لا شع من لولوّك البراق

يا اجمل نساء الارض من حقك
تغتري يا ام الزين والاخلاق

© 2023 - موقع الشعر