كتبت لك اجمل مراسيلي - عبدالله لافي المطيري

كتبت لك اجمل مراسيلي
وغنّيت لك احلى مواويلي
 
تبيني اوصف حبك بشعري؟
اجل ابيك بصدق تدعيلي ..
 
بحاول ارسم بالغلا حبك
واصير لك فنّان تشكيلي
 
يا فارقه عن كل خلق الله
يا شمس صبحي يا قمر ليلي
 
جمالك الطاغي طغى فيني
اقسى علي وهد لي حيلي
 
لك ضحكةً منها يشع النور
ومنه استمد النور قنديلي
 
حلفت باللي انزل القرآن
رب الزبور و رب الانجيلي
 
اني احبك حيل وكلّي لك
وازداد لك بالحب تبجيلي
 
واني احبك حيل وكلّي لك
واحبك بصدقي وتمثيلي
 
القلب عرشك يابعد قلبي
بين الحنايا حطي وشيلي
 
وان كان بوحي ما ملا سمعك
يا ويل حالي منك يا ويلي
 
وتطمّني يا بعد خلّاني
مافيه بعدك شي يعنيلي
© 2024 - موقع الشعر