الله اكبر غرتك حيل دنياك

لـ عبدالله لافي المطيري، ، في العتب والفراق، آخر تحديث

الله اكبر غرتك حيل دنياك - عبدالله لافي المطيري

الله اكبر .. غرّتك حيل دنياك
ياللي فقدت بغيبتك طعم الافراح

ناح القصيد اللي من الشوق غناك
وعلى لحون البوح ناي الحزن ناح

كم كانت ابياتي عن البعد تنهاك
وتلوّح لوصل المحبه بملواح

ما كنت ادوّر لي من الناس شرواك
ولا حسبت حساب من جاني وراح

حتى وانا زعلان منك اطلب رضاك
دايم تزعّلني ، واقول الحطب طاح

ما كنت متخيل حياتي بلياك
ولا تخيلتك مع الوقت تنزاح

ذكراك اصعب شي شفته بفرقاك
وفرقاك جرح ، وجرح ذكراك ذباح

ليتك قبل لا تروح ماخذ هداياك
على الاقل انسى مع الوقت وارتاح

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر