اجمل حبيبه - سعد أل سعود ( المنادي )

عندي شعور اني اعرفك من سنين
ما انتي على قلبي وعيني غريبه

بعيونك الحلوه تضيع العناوين
لا تسأليني كيف شفتك قريبه

شفت الفرح يابنت في حلم قلبين
وبعيون قلبي شفتك اجمل حبيبه

في ليل شعرك ليل ماشافته عين
كنه يحذر عاشقه من نصيبه

وش ينقصك والزين خلالك الزين
يا للي جمعتي بين رقه وهيبه

القلب صار قلوب وانتي محبين
غلاك ضاقت به صدورٍ رحيبه

الوصل وصلك والجفا يوم تجفين
لقيت فيك الشوق قبل التقي به

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر