ليلة الحزن - سعد أل سعود ( المنادي )

علمتني ليلة الحزن ماافرح بالغياب
لويغيب اللي بغيته عن عيوني يغيب

ياحبيبي مابعد غربة الحب اغتراب
من غلاك جروح فرقاك ماودي تطيب

تدري إنه مابقالي بعدك إلا العذاب
الأمل من غاب نورك غدا وجهه كئيب

ماحسبت ليوم فرقاك ياعمري حساب
والله إني أحسب الشوق عمره مايشيب

ماتصورت الحيبايب يفرقهم عتاب
ومااتصور ياحبيبي يجي بعدك حبيب

كل غلطه غير غلطة تجافينا صواب
وكل بعد غير بعدك عن عيوني قريب

ياصدوق الوعد صارت مواعيدك سراب
دربنا واحد وفرّق خطاوينا النصيب

ماسألتك عن شعورك وأنا اشوف الجواب
عاشقك بعد الجفا صار بعيونك غريب

القمر لوغاب ماغابت بروق السحاب
وانت في قلبي وعيني تغيب او ماتغيب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر