أدري انا باني عن الغير فارقه - القاسميه

أدري أنا باني عن الغير فارقه
والطيب ما نجهل يا وشهي مزارقه

دامي أصيله والاصيله على اصلها
ياهيه رزك قول ياويش حارقه..؟؟

قدام لادحم وقتي اللي يضيق بي
قلت أزهله للي علامته فارقه

وخيّبت ظني فيك ياعلّك الخزا
اللي عليك اتطيح قشرا مطارقه

صدّيت عني والليالي تربّعت
شمسي ولو ابطت علي مير شارقه

حتّيش لوّك ماوفيت وجحدتني
دامي على بحري فلا نيب غارقه

أرهيت في مدي عليك وتخيّبت
هقوات قلبي يوم كنت انت سارقه

وش عاد لو صبّيت لك كاس من دمي
والروح كانت في سما الحب بارقه

لا انت بْعلي محسوب من بدًّت البشر
شجرة حياتي لو قسى الوقت وارقه

لو جيت أبشره ما تشره على الردي
اللي يمينه فالمواقيف ذارقه

ماسامني وقتي ولاني مسوّمه
محشومتن عن سوق شرواك مارقه

وجنوبي اللي حنّتك عان دحمها
جابت لي العز الرفيع وبيارقه

وانت يتشره شاربك ليه لحيِتِك
ماصانت الشارب وعنّت مفارقه

انته خسرت العز جنبي وبعتني
وانا كسبت الطيب واغلا مزارقه

© 2024 - موقع الشعر