سيد الجروح

لـ عبدالرحمن الحمادي، ، في العتب والفراق، آخر تحديث

سيد الجروح - عبدالرحمن الحمادي

خلني ابوح وخلني لك عام وانت اللي تبوح
وانا استمع لك واعذرك عن كل كلمه ظالمه

خلاص روح ومابقى لك شي في قلبي يروح
ماتت مشاريهه مع آخر جرح .. كان يآلمه

سويت فيه اللي تبيه ويحسب المخطي مزوح
يدمح خطاك وشام بك ،، لو شاف زله والمه

بعيش من دونك تعبت اداري احساسٍ وروح
باقي معي كلمة (عتاب) ودمعتينٍ سالمه

والله يقدرني وارد الجرح ياسيد الجروح
دامك ظلمت اللي تعلق بك ونفسه حالمه

© 2024 - موقع الشعر