الدنيا دروس

يقول الي خذا الدنيا دراسه
ولولا جورها ما شاب راسه

صغير السن لكنه سبرها
و ذاق من السعاده والتعاسه

صباح الخير بيّن من شروقه
و شرّ الصبح ما يبغي فراسه

ولكنّ العلوم لها عوارف
وقلبٍ ما يدّور للطفاسه

نشوف ونسمع وكلن برشده
يعيش ولو عنيد الوقت حاسه

غثى الايام مكتوبٍ علينا
وكلن يشرب اقداره بكاسه

و حظ الرجل من دنياه دينه
الى من ضيّعه ما قام ساسه

قصور العلم يشبع من نصاها
و قصر المال ما تشبع بِساسه

ومن يمشي على النيّة يلاقي
طلبْه ولو وقف دونه حراسه