ثلاثين العمر

بعد أخذنا في هوى الايام دوره‬
التجارب ف الحياه اكبر مموّل

يا ثلاثين العمر ماني 'ب كوره'
لا تشوتيني على السهم المحوّل

دوّري لي صبر يفزع لي بدوره
بشبكه شبك الحرامي فالمحوّل

بدخل أقصى الجرح واضبط اموره‎
واجمع الضحكات من أجلك تسول

صرت أحس فصدري المكبوت ثوره‬
لو بسولف لك عن اهمومه ، تهوّل

أزهمتني زهرة العمر وبذوره
والعتب كنه على امجادي يعوّل

قالت انته : ضاع عمرك في زهوره
في شوارع 'صمتك المطبق' تجوّل

تشبه الصايم ليا فاااته سحوره
مختلف وضعك معي منت بالاول

لا تضيع ما بقا لك من شهوره
دام لك في ما مضى 'نقطة تحول'

قلت مالك فالطويله يا غيوره
الحزن لا مرني … دايم مخول

يدخل اقصى الجرح ويرجم شعوره‬
ثم أغني من قصيدي والمقول

كان ما ناسبك صوتي ، ف معذوره
اعذريني لا زعلت وقمت أمول

ما قدرت أكتم عن العالم شعوره
يوم شفت ان الفرج عنّي مطول

# فهد_المنصوري