زاد النور نور - سعيد بن منيف الحازمي

قالها الشاعرسعيّد بن منيف العازمي في حفلٍ
اقامه الباحث الشاعرسعدون بن فهد الهرس

للرباعين ذوي علوش في محافظة عفيف .
نبدأ بذكر الله في كل الأمور

رافع سماواته بلا عمدانها
والأرض باسطها لخلقه للعبور

ومثبتن في وسطها ضلعانها
وقدام موسى قاسمن موج البحور

واغرق بعده الطاغيه واعوانها
احد صمد للذنب والزلة غفور

من يحيي السنة وقام اركانها
والله يحيي الحفل ويحيي الحضور

فالحفله اللي غايبن شيطانها
القصر نور ثم زاد النور نور

بشيوخ نجد اللي رفيعن شانها
والشعر له ميزة وللشاعر شعور

ولا بد ما يشرحلها عنوانها
واباتكلم عن طويلين الشبور

ذوي ثبيت اللي طوال ايمانها
ترثت امحصن مشبعت شهب النصور

ليا وجهت للمعركة فرسانها
ليا صاح صياح الضحى قدم السبور

اهمه مقدامها وهم عمانها
وتاريخهم بالفعل ثابت ومخبور

وكلن يعرف افعولهم فاز مانها
وفيهم رباعين تعلوا فوق طور

ثم احتمو نجد وحموا سكانها
مسلط وتركي جالهم بالفعل دور

يوم القدايم والفتن واكوانها
بنولهم بيتن من الطيب معمور

ما عاد احد يقدر على جحدانها
عمارتن مبنية فوق الصخور

وقامت سواريها على سيسانها
وتسالموها من صقورن مع صقور

ما تنقرب وهما على بيبانها
اشيوخن من اولهم الى يوم النشور

عالن على كل العرب سلطانها
وتعيش في نعمة من الرب الغفور

على المعزة ويخزى شيطانها
والله يجمعهم على خير وسرور

وبالعز والتقوى يعظم شأنها
وليلن جمعهم عندنا ريحه عطور

هواه مسك وريحته ريحانها
واللي عزمهم من بعيدين الشبور

والطيبة دايم وشان شانها
ابو فهد سعدون طيب ومخبور

من الاد مرشد مكرمة ضيفانها
ويوم القدايم مالهم بالفعل سور

كم من شيوخن يتموا ورعانها
واسيلوا والشيبان حدبان الظهور

وتلقى شهود القوم من شيبانها
اقولها بالصدق ما قلناه زور

ولنشد عن راض الناس من زعلانها
وارجا السموحه لن حصل مني قصور

كم من علومن ما اكتمل ميزانها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر