تاخذين بعنفوانك قلبي المتباهي
بعد نظرات العيون اللي بلايه منها
لي معاك ايام مرت من حياتي يآهي
اجمل ايام العمر لو تنشديني عنها
اذكر اني قبل اعرفك بالهوى متراهي
ولا هقيت بزين مثلك روحي بيفتنها
يوم شفتيني واخذتيني وانا بك ساهي
بالمفاتن والهروج الطيّبه واسمنها
تفتنيني بنظرة تجعل مخارج فاهي
تخلف الكلمه بعد ما اقولها واوزنها
مع مرور الوقت والعشره تعاظم جاهي
في عيونك والسبب مشاعرٍ معلنها
يستثير القلب ويعانق شعور راهي
ولابقى في ظاهري اشياء لك مبطنها
وان تغشاك الزعل ماني بعنّك لاهي
لا تعقّد شفتك وتغيب ضحكة سنها
كل شي يهون لكن دمعتك إلآهي
ماتهون ودونها ذالروح لك برهنها
دوريني بالوجيه اللي زهاها الزاهي
من بياض الوجه لثياب الشرف لحسنها
يمكن انك تاجدين الاربعين اشباهي
وانتي مالك اربعين ان كان به ازينها
المحبه باقيه محدٍ عليها يضاهي
واكثر العشاق عذال الهوى تغبنها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.