ريح الطيب - سعود الدهيمي

ما اكب الهوى ومطارد الشرد لين اشيب
مادام القدم تمشي والاشواق تنخاني

انا في عيوني مخطيات الغرام تصيب
الي قلب يامرني والي عقل ينهاني

مودب ولايسحرني الا هروج اديب
ولو هي سلام ومرحبا شانها شاني

ولا اشكي وانا ادري ان مالشكوى الغرام مجيب
ياكود الله المعبود علاّم ماكاني

اغيّب عن الانظار لين ابتعد واغيب
واعالج جروح الحب واحد ورى الثاني

مغير العيون اقول هاتي وانا باجيب
تهامل وانا اصدّد عن الناس ما اداني

واصدّد عن الاسواق واسلى زمن واطيب
ويركد عقب كثر المباهيش شيطاني

الين اني آخذلي على السوق سنحة ذيب
امرّه وانا مرتاح واروح سقماني

واقابل من الازوال من لاتبعها صيب
تمخطر بملبوس الدلع لين تشعاني

وانا فيّ امل لين اني اشم ريح الطيب
بعدها تدوّرني ولاعاد تلقاني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر