لاتعتبرني حزة الضيق صاحبك - سعود الدهيمي

لاتعتبرني حزة الضيق صاحبك
الاّ......اعتبرني واحدٍ من خوانك

ماني صحيبٍ فالسعاوي يصاحبك
ويروغ عنك لياتكّدر زمانك

انا عن انياب المقادير اشحبك
ولاني بافرّق بين شاني وشانك

ان كان حظك فالشرابيك طاحبك
وازرى من الشيمه يعبّر لسانك

وبان الصواب وبارق الوجد لاحبك
ماتنتبه لي غير انا آقف وزانك

وان زان لك وقت الاناسه وراحبك
في وسط قلبي ماتغيّر مكانك

لافاح شوق القلب بالطيب فاحبك
واهين من بالهرج لاغبت هانك

لنّي على عز ومعزه مصاحبك
واعد نفسي واحدٍ من خوانك

© 2024 - موقع الشعر