بدع وجواب

الطرق طرق الي من الهم مطروق.
اتحده اظروفه عن الي تمناه.

مافاد قولت كل مطرود ملحوق.
اليا متى نسمع مثل ماوصلناه.

والقلب حارق لكن احيان محروق.
والي جفاناء يالخوي مافهمناه.

قبل امس وهوه داخل العين ف الموق.
واليوم غاب ويشهد الله فقدناه.

ممحوق وقتي والبلاء الحظ ممحوق.
عياء يزين الوقت ف اقصاه وادناه.

اليا متىء وانا آخذ الطاق مطبوق.
جور الزمن والبُعد ياخي كرهناه.

الحظ عاثر والزمن ساقنا سوق.
والعين ماتغفى ب لليل المُعاناه.

مير البلاء منعاق جرحي ومفتوق.
من سبة الي صد ماعاد شفناه.

حي(ن) يتل القلب من كل معلوق.
ليته رحمنا يوم حناء رحمناه.

والعوق عوق الي تزايد به العوق.
العوق في قلبي وعوقي كميناه.

الصدر من عبراته ايضيق مخنوق.
ياوين نلقىء حظ يصلح شريناه.

يابومحمد عطني العلم! (والشوق).
زلزل خفوقي لجل حياً تركناه.

الشاعر نايف الرشيدي
رد الشاعر حامد محمد الصويتي

يامرحباء واعداد مالاحت ابروق.
ب الشاعر الي حلو نظمه قريناه.

يشكي بنظم ابيات درّه لها ذوق.
يشكي يقول الوقت مره شربناه.

والحظ عاثر في مزاليق وازلوق.
اليا مشاء بيطيح ممشاه يشناه.

والي يزيد العوق له قلب مسروق.
والوقت يهدم له طموحه ومبناه.

ماهو يجيلك وقت بالكيف والروق.
والحظ لوهو بالرجوله كسبناه.

من كثر حبك(قيد)الاوهام مطلوق.
مير الرجول اقيود فيهن مثناه.

الحب فطرة كل عاشق ومعشوق.
له درب مظلم كل ابونا سريناه.

الحب بحر(ن)والحشاء فيه مغروق.
يموت من كثر العناء زايد آعناه.

ولو الحظوظ الزينه اتباع فالسوق.
يمدي جميع انسان حصل على مناه.

يتوق قلب الشوق ويتوق ويتوق.
ياويش عاد القلب ياويش يجناه.

(يانايف) اصبر ينفتح باب مغلوق.
باب الفرج بالصبر قيل وسمعناه.

لابد يطيب الجرح من سهم مزروق
ولابد ماتفرج وقيلك ختمناه