أغض الطرف عن سود النوايا .. وأعتبرها ذوق - عبدالرحمن بن عبدالله المجلي

بدع من الشاعر عبدالرحمن المجلي
والرد من الشاعر الكاسح

____
أبدفع دم قلبي دون عرضٍ ذاخرينه سَوق

ومن ينوي الردى .. يالله ..عله ينكسر ساقه
أغض الطرف عن سود النوايا .. وأعتبرها ذوق

واقدم للنوايا البيض من زهر الشكر باقه
ولا (يامحزمي) تكفى ..! ترى بعض الطواري عوق

تشل الفكر عن شوف الصحيح وتقصر وثاقه
عبدالرحمن المجلي

لمحت اسم المجلي جيتكم مسرع وكلي شوق
أبقرا له بيوت (ن) رايعه والنفس مشتاقه

يجي شعره محمل بالمعاني باجمل المنطوق
ويهدي للجميع من البيوت الجزل كم باقه

يجي شعره مرصع بالدرر ثوب (ن) بليا فتوق
ملك شعر النبط بيديه مفتاحه وميثاقه

الشاعر الكاسح
ألا .. يالكاسح إللي برق قيفانه تكاشح فوق

هلا بك عد ماينبت ربيع الوسم بارناقه
تفضل لاعدمتك.. يا أمير القافية والذوق

فتحت أبواب قلبي لك.. قبل ما أفتح الطاقه
ترى بعض العرب له همة (ن).. دايم تسوقه سوق

لبذل الجود والمجهود نفسه دوم تواق
عبدالرحمن المجلي

___
___

قريت الرد واطعم في لساني من حليب النوق
احطه فوق صدري كالوسام وحي من ساقه

من ابداع المجلي وافتخر به مالك الطاروق
ملك شعر النبط وايضا جذبنا زود باخلاقه

يجي شعره كما الديمه بلا راعد بليا بروق
وكلن يهتني به والحيا ياكثرعشاقه

الكاسح
© 2022 - موقع الشعر