الشعر ديوان العـرب ذوق وأخـلاق

الشعر ديوان العرب ذوق وأخلاق
ومراقبة رب المخاليق فوقي

شعر(ن) بدون اخلاق مايرض الاذواق
ولاني على بعض القصائد شفوقي

لكن اقول الشعر من فيض الاعماق
قاف(ن) لجزلين النشاما يشوقي

ما قلتها طربان من كثر الاشواق
لكن اصرفها على حسب ذوقي

لولاي اسلي خاطري كل ما ظاق
كان احترق بين الضلوع الخفوقي

كلٍ لديه هموم وظروف وافراق
ما تترك الدنيا قويٍ سبوقي

يا الله ياللي كافلٍ كل الارزاق
يامشعل(ن)جوف السحاب البروقي

تلطف بنا للتفت الساق بالساق
وتوقف الدم الحمر فالعروقي