يابنت ما كل الخلايق تشابه
كلٍ عطاه الله منهج وقانون
ناس(ن) لهم قدرٍ كبيرومهابه
وناس(ن)لا والله تتبع الهون بالهون
كم واحدٍ رزقه يجي حد بابه
واللي يبيه يجيه بالحفظ والصون
وكم واحدٍ يسعى بجو(ن) سرابه
يتعب به الطرقي ولو كان دندون
تدرين ليش يصير هم وكآبه
لان البشر يخطون لوكان يدرون
والا ترى ربي وسيعٍ جنابه
والرزق عنده دائم الدوم مضمون
يابنت احب وكل درب(ن)مأهابه
إلا الحرام ادخل على خالق الكون
احب ربي والنبي والصحابه
واحب كل اللي من الله يخافون
واحب حتى انتي وحبي شرابه
صافي على وضح النقاء ساطع اللون
الحر لو انه سكن في خرابه
مرافقه يسوى ثمانين مليون
واللاش نترك رفقته وش نبابه
لو كان ماله زاد عن مال قارون
من لايحوش الطيبه في شبابه
ما حاشها بعد اعتماده على الشون

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر