قريت شعرك.. وأعجبتني قوافيه

إخوانية بدع من الشاعر إبراهيم المجلي ورد
قريت شعرك.. وأعجبتني قوافيه

وأوقفني المعنى وشد إنتباهي
نظمك سليم وواضحات معانيه

مستقبلك في عالم الشعر زاهي
أبدعت في تصوير همٍ تقاسيه

لا شك بقعا.. جرعتك الدواهي
وكتمت همك عن عذول تماشيه

من ناظرك ضنك عن الحب ساهي
قصيدة امي نصف.. والنصف باقيه

وباقيه يعدل كل.. والنصف راهي
وراعي الجزيلة بالجميلة تجازية

شيخ القبيلة أفتخر به وأباهي
قلبك كبير وواسعات محانية

أكبر مصيبة عندكم شي واهي
إبراهيم عبدالله المجلي

أبوفارس
...

...
حيثك يا (أبو فارس) تثمن معانيه

وأنا بطيبك ياعضيدي أباهي
أحرص على رمي الهدف خايف أخطيه

أبي إلى قالو يقولون ناهي
مشاعري ماهيب زيفٍ وتمويه

تصعب على اللي يم دنياه لاهي
أشرب زلال الدهر حلوه وصافيه

وأحتاط من ميلاتها أم الدواهي
وأدور النشمي وأعزه.. واباريه

لاشفت فعل الطيب (شد إنتباهي)
مثلك يا (أبو فارس) ..عسى الرب يحميه

قوله وفعله في المواجيب راهي
وأجنب الضايع و درب مشى فيه

أخشى يدنسني.. وأنا عنه ساهي
واللي يبي العليا يحفر مراقيه

ودرب الشكاله مايبي شخص فاهي
عبدالرحمن بن عبدالله المجلي

راعي مرات