مسكت كفه ابقرا وانطقت عينه
قريت كفه وانا اقرا العلم بعيونه
بين النظر في عيونه ضعت..وايدينه
من وين ماشوف مفتونه ومزيونه
كن الظبي واهيّف الخصرين من طينه
بس انّه اجمل ووصف الظبي من دونه
يوم اقبلت موت..قلت الظبي ياعوينه
لاهي بمثله ولاشكله ولالونه
الظبيه ابحضرته عادي ومسكينه
ياظبية البر ماانتي فيه مقرونه
يجمع براءة جمال ونظرته زينه
ويذكّر الداله المرتاح بشجونه
القد مبروم من زينه ومن لينه
قام ايتثنى على هونه على هونه
العشق ماعاد تجهلني عناوينه
اشوفه اقبل علي ويعد طبلونه
يامطرق البان مالك فالبشر عينه
ترمي حمد بالنجل وتقول واشلونه
تدرين خاطر حمد وانتي تعرفينه
هذا حمد جاك باديّه ومظمونه
وان كان ظيعّتي الصدق وبراهينه
هذي الاحاسيس مكتوبه وموزونه
انكفت عن جملة العشق وميادينه
واقبلت كلي امل للزين وفنونه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.